Suspenderaður meðan málið verður kannað

<p>Aðalstjórin í Heilsumálaráðnum váttar, at ein kommulækni er suspenderaður. Í einum telduposti til Kringvarpið, skrivar aðalstjórin í Heilsumálaráðnum, Turið Arge, at:</p>

<p><em>"Heilsumálaráðið er umvegis løgregluna í august í ár kunnað um eitt mál viðvíkjandi einum kommunulækna. Heilsumálaráðið avgjørdi beinanvegin í august í ár at suspendera kommunulæknan so leingi málið koyrir."</em></p>

<p>Tað var í juli mánað, at løgreglan avhoyrdi ein kommunulækna í Føroyum og skuldsetti hann fyri at hava framt kynsligan ágang móti fimm kvinnum, sum hava verið til læknaviðtalu hjá honum.</p>

<p><strong>Málið er latið ákærumyndugleikanum</strong></p>

<p>Kommunulæknin, skal millum annað í sambandi við undirlívskanningar, hava framt kynsligan ágang. Kvinnurnar eru millum 20 og 30 ár.</p>

<p><strong>SÍ EISINI <a href="http://kvf.fo/greinar/2014/07/25/laekni-skuldsettur-fyri-kynsligan-agang...ækni skuldsettur fyri kynsligan ágang</a></strong></p>

<p>Løgreglan hevur kannað mannagongdirnar í sambandi við undirlívskanningar, fyri at vita, hvat ein lækni ger í tí sambandinum, og løgreglan metur, at maðurin hevur framt kynsligan ágang tá og í øðrum sambandi, og tí er hann skuldsettur.</p>

<p>Málið er latið ákærumyndugleikanum, sum skal taka støðu til, um fleiri kanningar skulu gerast og um ákæra skal reisast í málinum.</p>