Frakland sigur »ja« til 24.000 flóttafólk

Frakland fer næstu tvey árini at taka ímóti 24.000 flóttafólkum. Franski forsetin váttar, at landið tekur undir við ætlanini hjá ES-kommissjónini

Frakland fer at taka ímóti 24.000 flóttafólkum næstu tvey árini, váttar franski forsetin sambært tíðindastovum. Á myndini eru flóttafólk savnað á eini jarnbreytarstøð í Makedónia

Mynd: Savnsmynd/AP

Bjarni Mohr

07.09.2015 - 14:06

Francois Hollande, franski forsetin, váttar, at landið tekur undir við einum útspæli hjá ES-kommissjónin fyri, hvussu 120.000 flóttafólk kunnu hýsast ymsastaðni í Evropa.

- Okkara partur er 24.000 flóttafólk, og vit fara at taka ímóti teimum, sigur Francois Hollande sambært tíðindastovunum, Ritzau og Agence France-Presse.

Greinin heldur fram niðanfyri

#BREAKING France will take in 24,000 refugees over next two years: Hollande
— Agence France-Presse (@AFP) September 7, 2015

Týskland fer at taka ímóti 31.000 flóttafólkum fyri at lætta um hjá Italia, Grikkalandi og Ungarn, sigur ein talsmaður hjá ES-kommissjónini sambært tíðindastovunum.

Fyrstu átta mánaðirnar í ár komu 350.000 flóttafólk til eitt nú Grikkaland, Italia og Spania. Bert í seinastu viku komu fleiri enn 5.000 flóttafólk til Grikkaland, skrivar International Organization for Migration.