Sí upptøkuna: Fingu skriðulop á video

Eitt skriðulop var seinnapartin mánadagin umleið 500 metrar vestan fyri Friaren í Geirangerfjorden í Noregi, tætt við fossin, ið nevnist "Tær sjey systrarnar."

Sí upptøkuna niðanfyri

Beint tá vóru næmingar frá einum norskum háskúla á vitjan ikki so langt frá, har skriðan í Geirangerfjorden leyp. Tað eydnaðist einum vitjandi at fáa upptøku av skriðulopinum.

- Vit hoyrdu ein harðan smell, og sóu grót, sum rapaði. Tað var merkisvert, sigur Mathias Etnestad, ið sá skriðulopið í fjørðinum, við blaðið, Sunnmørsposten, smp.no

Slik så det ut da raset gikk i Geirangerfjorden i dag: https://t.co/UE7PPh7KVu pic.twitter.com/jDWbY9UO3Y

— NRK (@NRKno) May 8, 2017

Nógvar brattar fjallasíður eru í Geirangerfjørðinum í Noregi. Tí er tað ikki óvanligt, at skriðulop eru har á leiðini. Tað er kortini sjáldsamt, at tað eydnast fólki at fáa upptøkur av skriðulopunum.