Enn óvist um Bjarni Hammer fer í farloyvi

Útvarpið hevur seinnapartin havt samband við Bjarna Hammer, men hann vil ikki gera samrøðu enn.

Tað einasta, sum Bjarni Hammer vil endurgevast fyri í dag er, at hann ikki vil hava, at støðan hjá honum skal ávirka tingarbeiðið skeivan veg, og at hann - helst seinni í kvøld - fer at boða løgmanni frá, um hann fer í farloyvi.

Løgmaður segði við útvarpið á middegi, at tað hevði verið skilabest at Bjarni Hammer fór í farloyvi, meðan løgreglan kannar málið.

SÍ EISINI: Løgmaður: Skilabest at Bjarni fer í farloyvi

Fer Bjarni Hammer í farloyvi úr tinginum, so stendur Bjørg Dam í løtuni næst á listanum. 

Hon býr í Havn og fekk 115 atkvøður á løgtingsvalinum í 2015.