63 brúdleypsgestir deyðir í bumbuatsókn í Kabul

Ein sjálvmorðsbumbuatsókn í afganska høvuðsstaðnum Kabul hevur kravt í minsta lagi 63 mannaiv, og í minsta lagi 182 fólk eru særd.

Bumban brast í einum brúdleypi á einum gistingarhúsi í Kabul í gjárkvøldið. Umleið 1200 fólk vóru í brúdleypinum.

Eingin átikið sær ábyrgdina

Ein talsmaður fyri afganska innanrikisráðið sigur, at gerningsmaðurin hevði lagt spreingievni millum brúdleypsgestirnar. 

Eingin hevur átkið sær skyldina fyri atsóknina. Taliban-felagsskapurin vísir aftur, at hann hevði nakað við atsóknina at gera, og fordømir atsóknina.

Spreingingin var í bygninginum Dubai City. Hann stendur í einum býarparti í Kabul, har shiamuslimski minnilutin, hazararnir, búgva.