Liðskiparin er ivaleysur fyrsti málverji frammanfyri Tórð Skorðheim Guttesen, sum loysti av fyri skadda Aleksandar Lacok. Tí hongur nógv á Paula hesa ferð.

Aleksandar Lacok kom upp á A-landsliðið, tá Nicholas Satchwell sleit krossbandið, men ólukkutíð fekk ‘Sasha’ skaða fyri kortum. So vóru boð eftir Tórði, sum í roynd og veru hevði slept vónini um landsliðið.

Bakkurin er serliga stinnur í verjuni, men kann eisini spæla í álopinum. Fekk ein knæskaða, men náddi at spæla nakrar dystir, áðrenn EM-steðgin.

Hevur havt eitt gott kappingarár í Svøríki, og kann fáa størri uppgávu enn væntað frammanundan, tí Elias Ellefsen á Skipagøtu er skaddur.

Verður ivaleyst avgerandi spælarin í føroyska álopsspælinum, um Elias Ellefsen á Skipagøtu ikki fær spælt. Er ógjørligur at steðga ein ímóti einum, og tað kann skapa neyðuga plássið í gjøgnumbrotsspælinum.

Er størsta stjørnarn á føroyska liðnum, og tí er tað stórt bakkast, at spælskiparin fekk skaða stutt fyri jól. Tað er yvasamt, um hann kemur á vøllin; um ikki, verður stórur saknur í fintunum, skotunum og fríspælingunum frá úrmælinginum í Kiel.

Pauli Mittún spælir ikki á so høgum stigi, men hevur roynst væl á landsliðnum. Ikki minst í Golden League í heyst. Bakkurin er eisini ein, sum skal taka størri ábyrgd, um Elias Ellefsen á Skipagøtu ikki er førur fyri at spæla.

Ein av trimum Bundesligaspælarum í føroyska hópinum. Er ein verjuspælari í heimsflokki, men spælir eisini nógv á høgra bakki í álopsspælinum, har tað er eitt sindur misjavnt við avrikunum.

Bakkurin er ein av royndastu spælarunum á føroyska liðnum, og hevur spælt uttanlands í nógv ár í nógvum feløgum. Fær ikki so nógvar minuttir longur, men er eitt gott alternativ á høgra bakki.

Ein av teimum ungu og frambrúsandi spælarunum í føroyska hópinum. Telist millum bestu spælarnar í Íslandi í toppformi, og er kanska hin einasti, sum kann bjóða teimum bestu málverjunum av við langskotum.

Landsliðsvenjarin Peter Bredsdorff-Larsen brúkar ‘fra Køge til Keil’, tá hann skal lýsa munin á stignum, sum føroysku spælararnar spæla á. Er aftanfyri Leiv Mortensen á vinstra veingi, men hevur ongantíð svikið á landsliðnum.

Hákun West av Teigum er stjørnuvongurin hjá Føroyum, men avrikini hjá Leivi Mortensen á landsliðnum tvey tey seinastu árini eru lítið aftanfyri tey hjá Füchse Berlin-manninum. Tað er óvanliga langt ímillum misnýttu kjansirnar hjá kringa vonginum í vinstru.

Berlin-maðurin telist millum allarbestu vengurnar í heiminum. So einfalt er tað. Er avgerandi á føroyska landsliðnum, og í týska meistaraliðnum er hann fastur maður. Er avgerandi fyri føroysku kjansirnar til EM.

Hevur verið eykamaður hjá Hákuni West av Teigum í nógv ár, og tað er ein ótaksom uppgáva. Hevur kortini leverað, tá hann er sloppin framat, og seinastu árið hava vit eisini sær vongin á høgra bakki. Tekniskt sterkur, lættur og skilagóður.

Strikuspælarin hevur strítt seg til pláss í bestu donsku deildini, og avrikini á landsliðnum hava altíð verið góð. Samspælið við Elias Ellefsen á Skipagøtu riggar væl. Til EM liggur stóra avbjóðingin í verjuspælinum.

Pætur er stórur og sterkur, og fysikkurin hevur stóran týdning á hægsta stigi. Í álopinum er hann ikki tryggasti skjúttin av strikuni.

Strikuspælarin skiftir í summar úr føroyingafelagnum í Svøríki til Høj í bestu donsku deildini. Framgongdin hevur verið stór síðstu árini, og tað sæst aftur á landsliðnum, har hann fær alsamt størri leiklut.

Strikuspælarin myndar onkursvegna eldra ættarliðið á landsliðnum, og hóast hoyvíkingurin nú spælir í føroysku deildini, er hann enn inni í hitanum. Fær neyvan nógva spælitíð, men kemur hann á vøllin, liggur hansara partur ongantíð eftir.