Tropisk ódn krevur mannalív í Taivan

Vindferðin var 64 metrar um sekundið, og tropiska ódnin, Soudelor, kom inn yvir eystara part av Taivan í nátt, skriva útlendskir miðlar á staðnum.

Trø eru skrædd upp við rót, áarføri hevur elvt til stórar skaðar, og tvær milliónir fólk mistu streymin, tá ódnin, sum hevur fingið navnið Soudelor, rakti Teivan.

Í løtuni er øll tok- og flogferðsla í Taivan avlýst. Ódnin ferðast í løtuni í útnyrðing, og linkar so líðandi, siga veðurstovurnar í landinum.