Eldurin kyknaði í kuldaskápinum

Eldurin í Grenfell Tower í London byrjaði í einum kuldaskápi.

tað váttar bretska politiið í dag, skrivar DR. Politiið sigur, at eldurin var IKKI ásettur.

Kortini ætlar politiið at skuldseta ein ella fleiri fyri dráp í sambandi við eldin.

Bjálvingartilfarið og pláturnar á fasaduni luku ikki krøvini til brunatrygd, upplýsir politiið eisini.

79 fólk doyðu í eldsbrunanum, men talið á deyðum kann vera hægri, tí tað kann hugsast, at fólk hava búð ólógliga í bygninginum og tí ikki hava verið skrásett sum íbúgvar.

Eldur kom í Grenfell Tower tann 14. juni. Bygningurin var 24 hæddir og eldurin breiddi seg óvanliga skjótt.