Blinken: Putin forðar fyri, at matur kann flytast úr Ukraina

Amerikanski uttanríkisráðharrin, Antony Blinken, sigur, at russiski forsetin, Vladimir Putin, forðar fyri, at matur kann flytast úr Ukraina. 

Hann sigur eisini, at Putin brúkar ágangandi propaganda fyri at vreingja sannleikan um, hví hetta er so, tí Putin heldur, at heimurin so fer at strika tiltøkini.

- Við øðrum orðum, sera einfalt, er hetta avnoyðsla, sigur Blinken á Twitter, sambært amerikanska uttanríkisráðnum.

Grøði rotnar

Avnoyðsla, blokkadan, hjá Russlandi av ukrainskum havnum kann merkja, at avgrøði rotnar. 

Meira enn 20 milliónir tons av korni liggja í kornbrunnum í Ukraina og skulu sendast av landinum.

Í mai kom fram, at Russland m.a. sigur, at ukrainskar havnir verða latnar upp fyri útflutningi av hveiti, um tiltøkini móti Russlandi verða strikað.

Stúrt verður fyri, at stongsilin kann elva til alheims matvørukreppu.