Evropeiski miðbankin hækkar aftur rentuna

Evropeiski miðbankin, ECB, hevur hækkað leiðandi rentuna 0,75 prosentstig, upp í 1,5 prosent, boðar bankin frá.

Hetta er onnur rentuhækkingin hjá ECB seinastu tveir mánaðirnar.

ECB hækkar rentuna til tess at tálma inflatiónini, so hon kemur niður á eina vanliga legu upp á tvey prosent.

Beint eftir at evropeiski miðbankin broytir rentuna, plagar danski tjóðbankin at gera tað sama. Og væntandi fer danski tjóðbankin at hækka sína rentu longu í dag, skriva danskir miðlar.

Prísvøksturin í evru-londunum er hækkaður umleið 10 prosent seinasta árið. Í Føroyum hevur prísvøksturin verið umleið níggju prosent.