Demokratarnir kunnu missa valdið í kongressini

Í dag er miðval í USA, og úrslitið kann gerast, at Joe Biden, forseti og hansara flokkur, demokratarnir, missa alt valdið, um republikanski flokkurin vinnur valið.

Tí hevur Joe Biden ferðast kring landið seinastu dagarnar fyri at royna at vinna demokratunum undirtøku. Í gjárkvøldið var hann í statinum, Maryland.

- Vit vita øll, at demokratiið er upp á spæl, og tað er nú, at vit mugu velja tað, segði Joe Biden, sambært AFP-tíðindastovuni.

Miðvalið ger av, hvør hevur valdið í kongressini, sum hevur tvey kømur, senatið og umboðsmannatingið. Tað hava demokratarnir í løtuni.

Donald Trump og miðval 2022

Donald Trump hevur rikið valstríð fyri republikanararnar, og hann sigur, at hann kemur við einari serligari fráboðan seinni í mánaðinum. (Mynd: Ritzau Scanpix)

Andstøðan liggur væl fyri

Men meiningakanningar vísa, at tað ikki er óvist, at andstøðan, republikanski flokkurin, kann vinna valið. Hendir tað, so verður tað so gott sum ógjørligt hjá Joe Biden og demokratunum at reka sín politikk, til forsetaval verður aftur um tvey ár.

Fyrrverandi forsetin, Donald Trump, hevur gjørt nógv vart við seg í valstríðnum, og hevur mestsum boðað frá, at hann fer at stilla upp á forsetavalinum um tvey ár.

Hann segði í gjár, at 15. november fer hann at koma við eini serligari fráboðan.

Miðval í USA 2022

Fyrsta valið síðani álopið

Hetta er eisini fyrstu ferð, at val er í USA, síðani atsóknina at kongressini í januar í 2020, tá republikanararnir ikki vildu góðtaka, at flokkurin hevði tapt valið og mist valdið.

Talan er um eitt serligt val, sigur tíðindamaðurin hjá Danmarks Radio, Steffen Kretz, úr USA: