Alex tvífaldur føroyameistari

Alex tvífaldur føroyameistari
Alex Johannesen vann sunnudagin FM-kappingina í Nordisk Trap og legði føroyameistaraheitið afturat tí, sum hann vann í Automatic Ball Trap fyrr í summar
Alex Johannesen, her á Oyggjaleikunum á Gibraltar, er tvífaldur FM-vinnari í trap-skjóting
 
08.09.2024 - 18:18

Alex Johannesen skeyt best og tryggjaði sær føroyameistaraheitið í Nordisk Trap á skjótibreytini úti í Vík í Leirvík sunnudagin. 

Fyrr í summar vann skjúttin úr Eysturskoti FM-heitið í Automatic Ball Trap.

Alex Johannesen vann kappingina við 117 leirdúgvum av 125. Beiggin, Carsten Joensen, endaði á 2. plássi við 110 dúgvum, og Kristian Johannesen fekk bronsuna eftir umskjóting ímóti Eiriki Elisson, skrivar Skjótisamband Føroya.

Unglingakappingina vann Eiler Ludvig Jacobsen við 85 dúgvum. Marius Gaardlykke og Harry Mikkelsen vóru javnir á 2. plássi. Marius Gaardlykke vann umskjótingina og silvurið, meðan Harry Mikkelsen endaði á 3. plássi.

Hetta er fyrstu ferð, at tað varð kappast um FM í Nordisk Trap í Føroyum, og allir skjúttarnir vóru úr Eysturskoti. 

Tær fýra FM kappingarnar, ið Skjótisambandið hevur skipað í ár, eru nú avgreiddar.

Er kopiera
Nýggjastu sendingar í ÚV
Leygardag 10. mai
Jambalaja - 100525
191703
Leygardag 10. mai
Upp á tá - 090525
191699
Leygardag 10. mai
Vikan 10. mai 2025
191694
Leygardag 10. mai
Morgunlestur leygardagur 10.mai 2025
191025
Nýggjastu sendingar í SV
Leygardag 10. mai
Dagur og vika - teknmálstulkað
191687
Fríggjadag 9. mai
Veðrið
191675
Fríggjadag 9. mai
KAKUMiKS (6:7)
191658
Fríggjadag 9. mai
Dagur og vika - teknmálstulkað
191644
Hósdag 8. mai
Hondbóltur: Kosovo - Føroyar
191625