Ríkisadvokaturin fer at ákæra fyrrverandi verjumálaráðharra

Ríkisadvokaturin mælir til at ákæra fólkatingslimin hjá Vinstra og fyrrverandi verjumálaráðharran, Claus Hjort Frederiksen, fyri at hava likið loyniligar upplýsingar.

Tilmælið er sent danska løgmálaráðnum, upplýsir ráðið í tíðindaskrivi.

Eftir tilmælinum skal hann ákærast eftir grein 109 í revsilógini, fyri at hava likið loyniligar upplýsingar.

Sambært løgmálaráðnum, komu boðini frá ríkisákæranum týsdagin, og Mattias Tesfaye, løgmálaráðharri, sigur, at hann fer at tosa við politisku flokkarnar í fólkatinginum, um at taka órinið frá fyrrverandi ráðharranum.

Eftir grundlógini kann ein limur í fólkatinginum ikki ákærast ella fongslast, uttan at fólkatingið góðkennir tað. Tað kann bert gerast, um viðkomandi verður tikin, samstundis sum brotið verður framt.