Lívlangt fongsul fyri krígsbrotsverk í Ukraina

Ein russiskur hermaður hevur fingið lívlangan fongsulsdóm fyri krígsbrotsverk í Ukraina. 

Tað hevur ein dómstólur í ukrainska høvuðsstaðnum, Ktuv, fyrrapartin gjørt av, skrivar Reuters. 

Hetta er fyrsti dómur, sum er sagdur, síðan russisku innrásina í Ukraina 24. februar. 

Hermaðurin er dømdur fyri at hava skotið ein óvápnaðan 62 ára gamlan mann. Hann viðgekk seg sekan í rættinum.

Sambært ukrainskum myndugleikum, eru 10.000 mál um møgulig krígsbrotsverk. 

Í morgin eru tríggir mánaðir, síðan russar gjørdu innrás í Ukraina.