Lívlangt fongsul fyri dráp og drápsroynd

Í Kanada er ein maður í 30-árunum dømdur fyri at hava dripið 10 fólk og fyri 15 drápsroyndir, tá hann í apríl mánaði 2018 koyrdi ein vøruvogn inn í eina mannamúgvu í Toronto. 

Dómarin dømdi mannin lívlangt fongsul fyri hvørt av teimum 10 mannalívunum, sum hann hevur oyðilagt, og 20 ára fongsul fyri hvørja drápsroynd.

Drápsmaðurin skal sita dómin út í eitt, og tað merkir, at hann um 25 ár kann søkja um treytaða fongsulsrevsing.

Átta kvinnur og tveir menn lótu lív í álopinum, og ein kvinna, sum fekk álvarsligan skaða, doyði í fjør av løstunum. 

Toronto og dráp

Maðurin leigaði vørubilin, sum hann brúkti til at koyra á mannamúgvuna. (Mynd: Ritzau Scanpix)

Hataði kvinnur

Stutt fyri álopið leigaði álopsmaðurin ein vørubil  og koyrdi við nógvari ferð framvið gongubreytini í eini handilsgøtu í Toronto við tí endamáli at drepa so nógv fólk, sum til ber.

Tað er komið fram, at hatur til kvinnur var størsta drívmegin hjá honum til at fremja illgerðina, kvinnuhatur, sum sambært álopsmanninum, er, tí kvinnur ikki hava viljað verið í parlagi við seg. 

Maðurin var 25 ára gamal, tá hann framdi álopið.

Dómarin, Anne Molloy, legði dent á, at revsingin er lívlangt fongsul.

Kann verða royndarleyslatin

- Hetta er ikki fongsul í 25 ár, segði hon. 

Maðurin kann tó søkja um at verða royndarleyslatin 25. hvør ár, men tað merkir ikki, at hann viðhald.

Illgerðin og andstygdin í tí, sum hann hevur gjørt, verðir tikið við í metingina, tá støða skal takast til, um hann skal verða royndarleyslatin.