- Tíðindi, mentan og ítróttur
Ætla at reisa misálit á íslendskan ráðharra
Ætla at reisa misálit á íslendskan ráðharra
Politiskt rok er í Íslandi, tí Altingsins umboðsmaður hevur sagt, at Svandís Svavarsdóttir, ráðharri, hevði ikki lógarheimild til at steðga hvalaveiðuni í fjør summar
Miðflokkurin í Íslandi hevur hótt við at reisa misálit á Svandis Svavarsdóttur, ráðharra, fyri handfaringina av málinum um stórhvalaveiðuna.
09.01.2024 - 09:15
Miðflokkurin í Íslandi hevur boðað frá, at hann kemur við uppskoti um misálit á Svandís Svavarsdóttur, ráðharra, tá altingið kemur saman aftur 22.januar.
Tað sigur formaður floksins, Sigmundur Davíð Gunnlaugsson, við Morgunblaðið.
Politiskt rok er í Íslandi, tí Altingsins umboðsmaður hevur sagt, at Svandís Svavarsdóttir, ráðharri, hevði ikki lógarheimild til at steðga hvalaveiðuni í fjør summar.
Hvalaveiðan var steðgað dagin fyri, hon skuldi byrja.
Eingin veiða var í slakan hálvan triðja mánað.
Hendir einki fyri 22.januar, kemur Miðflokkurin við uppskoti um misálit, sigur Sigmundur Davíð Gunnlaugsson.
Er kopiera
Nýggjastu sendingar í ÚV
Nýggjastu sendingar í SV
