Ongar dronuleivdir funnar við Zaporizjzja kjarnorkuverkið í Ukraina

"Ongar dronuleivdir eru funnar við Zaporizjzja kjarnorkuverkið í Ukraina."

Tað sigur altjóða kjarnorkustovnurin, IAEA, sum kannaði verkið í gjár, sambært DR.

Sunnudagin var eldur í einum kølitorni í kjarnorkuverkinum, Zaporizjzja, sum liggur har suðuri í Ukraina.

Russar hava ræðið á kjarnorkuverkinum, tí Russland hevur hersett økið, har kjarnorkuverkið er.

Avmarkað atgongd

Sambært russum var tað eitt ukrainskt dronuálop, sum var atvoldin til eldin.

Ukrainar siga, at tað eru russar, sum hava sett eld í kølitornið.

Av trygdarávum fekk kanningarfólkið hjá kjarnorkustovninum bara avmarkaða atgongd til kølitornið, og fær ikki sagt enn, hvat orsøkin er til eldin.

Zaporizjzja er størsta kjarnorkuverk í Evropa, og russar hava havt ræðið á kjarnorkuverkinum síðani 2022.