Frítekst tagging:
- Tíðindi, mentan og ítróttur
Rutt rann fyri fyrstu ferð á oyggjaleikum
Rutt rann fyri fyrstu ferð á oyggjaleikum
Rutt Gregersen endaði á 10. plássi í 10.000 metur renningini, og hóast hon ikki var ordiliga nøgd við tað, var hon glað fyri at hava umboðað Føroyar á oyggjaleikum fyrstu ferð
Rutt H. Gregersen rann fyri fyrstu ferð á oyggjaleikum, og hon var glað fyri at sleppa at umboða Føroyar
Mynd: Dánial Olsen
13.07.2025 - 19:39
Rutt H. Gregersen var ikki heilt nøgd við tíðina, eftir at hon var endað á 10. plássi í 10.000 metur renningini á Picky-leikvøllinum í Kirkwall sunnudagin.
Hon kom á mál við tíðini 39.26.13 min. og hevði ætlað sær at renna eitt sindur skjótari. Langteinarennarin fegnaðist kortini um, at hon hevði runnið á oyggjaleikum fyri fyrstu ferð.
Christa Cain av Isle of Man var fleiri stig omanfyri hinar. Hon setti nýtt oyggjaleikamet við tíðini 35.16.83. Næstan ein minutt skjótari enn gamla metið frá 1997.
Rutt H. Gregersen, sum bert hevur vant av álvara síðan síðsta heyst, skal eisini renna 5000 metrar. Tað ger hon mikudagin.
Rutt Gregersen fekk elddópin á Picky-leikvøllinum í Kirkwall í dag. Hon var ikki ordiliga nøgd við sína tíð (Mynd: Dánial Olsen).
Er kopiera
Nýggjastu sendingar í ÚV
Nýggjastu sendingar í SV
