Trump sendir Witkoff til Russlands

Donald Trump, forseti, sendir nú serliga sendimann sín, Steve Witkoff, til Russlands.

Ætlanin er at fáa Russland at nærkast eini vápnahvíld við Ukraina.

Amerikanar hótta við at seta fleiri handilstiltøk í verk, um Russland ikki semist við Ukraina um vápnahvíld.

Trump tóktist vera ónøgdur við Zelenskyj, forseta í Ukraina, fyrr í ár, men hann er mestsum hálsaður um, eftir at tað ikki er eydnast at tosa seg til rættis við Putin. 

Fríggjadagin er evstamarkið hjá amerikanska forsetanum fyri, at Russland játtar at koma aftur til samráðingarborðið. Annars verða fleiri tiltøk sett í verk.