- Tíðindi, mentan og ítróttur
Jónas G. Isaksen er evropameistari í 400 metrar renning
Jónas G. Isaksen er evropameistari í 400 metrar renning
Føroyar hava ein evropameistara í renning, og hann eitur Jónas Gunnleivson Isaksen, sum júst hevur vunnið gull í 400 metrar renning til U20 EM í Jerusalem
Jónas Gunnleivson Isaksen júst sum hann er komin á mál og hevur funnið út av, at hann er evropameistari
09.08.2023 - 17:37
Sensatións-summarið í føroyskum ítrótti blívur við at geva.
Nú hava Føroyar eisini fingið ein evropameistara í renning.
17 ára gamli Jónas Gunnleivson Isaksen vann seinnapartin gull, tá ið hann vann finaluna í 400 metrar renning í U20-evropameistarakappingini í Jerusalem.
Tíðin var 45,86 sekund. Gamla mettíðin hjá Jónasi Gunnleivsyni Isaksen var 46.02, sum hann rann á Oyggjaleikunum herfyri, tá hann vann gull.
Hann hevur sostatt sett nýtt føroyskt met á teininum, men eisini danskt U20-met.
Tú kanst síggja flotta EM-sigurin hjá Jónasi Gunnleivsyni Isaksen her.
Er kopiera
Nýggjastu sendingar í ÚV
Nýggjastu sendingar í SV
